Vènneri u 9 di settembre di u 2016, a Canturìa di Cappella di Pieve d’Ampugnani hà participatu à una serata di canti sacri, data à prò di a ghjente tocca da u terramotu in Italia.
À fianc’à i frati cappuccini di Sant’Antone chì ci anu apertu a so chjesa cun tanta fratellenza, adduniti à e cunfraterne di Speluncatu, a Pieve di a Serra, Linguizzetta, San Ghjiseppu cun Santa Croce di Bastia, emu pussutu testimunià di u nostru patrimoniu lucale, è fà una preghera per i dannighjati nostri vicini.
